Texts

Né ajsiket ne ipal Kulalmumachtiani. Ajsiket inat ka kimatitiwit ka ne tiupan kipia tay yejemet nejnemitiwit kitemuat. Kiunij inak ne Palej:

One day some people came from the Students’ Circle. They said they had heard that the church had just what they had been looking for. The priest said:

—Kia, nikan tikpiat se tuikaw ka yaja weli taketza Nawat. Su te ankinekit techishtiliat, kunij kia welit antaketzat iwan, wan su amejemet kinekit mumachtiat, welit anwitzet pal annemit tuwan.

“Yes, we have a brother here who can speak Nawat. If you don’t take him away from here, then you can talk to him, and if you want to learn you may come and study with us.”

Kwak niweli, nikpalewia Alan wan Cecy. Nusan Carlos, melka yaja techanchanej, pero uksan mumachtia Nawataketza. Yejemet tesu nechtashtawat, ka inat ka yejemet tesu kipiat tumin pal nechtashtawat.

When I am able I help Alan and Cecy. Carlos too, although he is a local, but he is still studying Nawat. They don’t pay me, because they say that they don’t have money to pay me with.

Ne techanchanejket tesu welituyat taketzat tik Español, nan welit katka tawawasuat nan amataketzat. Yajika, kwak ajsiket ne takamet istak, yejemet tesu kimatit tay inat ne takamet wan ne siwatket.

The inhabitants couldn’t speak Spanish, and they didn’t know how to read and write. So when the white men came, they didn’t understand what the men and women were saying.

Yejemet tesu kimatit, ken an tejemet tikmatit, ka nemi se Tiut ka te tikishmatit. Yejemet kishmatit katka tay kitat, ken ne tunal, ne at, ne tal, ne tawial, ne kwajkwawit, ne kojtan: ipal itakwal, ipal ne tapewil, wan ne kwajkwawit pal kisaluat itakil pal tikwat pal te tikseliat mayan.

They didn’t realise, as we now know, that there is a God whom we didn’t know. They recognised the things they could see, such as the sun, the rain, the land, maize, trees, and nature, which provided their food, game, and fruit-bearing trees for food so as not to endure hunger.

Yejemet tesu kimatit, ken an tejemet tikmatit, ka nemi se Tiut ka te tikishmatit. Yejemet kishmatit katka tay kitat, ken ne tunal, ne at, ne tal, ne tawial, ne kwajkwawit, ne kojtan: ipal itakwal, ipal ne tapewil, wan ne kwajkwawit pal kisaluat itakil pal tikwat pal te tikseliat mayan.

They didn’t realise, as we now know, that there is a God whom we didn’t know. They recognised the things they could see, such as the sun, the rain, the land, maize, trees, and nature, which provided their food, game, and fruit-bearing trees for food so as not to endure hunger.

Yajika, mupanpa ne tuweyka mumati yek ka ne tuelishku nemi tentuk wan tiwelit tikchiwat tay tejemet tiknekit. Yajika timetzilwiat padiush, Teku Sinti.

Therefore, thanks to you our body is content because our stomach is full and we can do what we wish. Therefore we say: thank you, Father Corn.

Pejkia ne shupan! Pejkia wetzi ne at! Muchi ne jaral yawi mulini wan ne tal yawia shushuknajkisa. Ne takwalmet yawita kipiat itakwal, yawit mutaliat tumawak wan te yawit kiseliat mayan. Yajika ne tushupan yaja techtakwaltia muchi tay tinemit ijpak ne tal, wan kichiwa ka tuweyka mutetzilnajkisa, tumawaya wan weya. Yajika, kaj kenka Tiut? ka yaja techtuktia ne at; kituktia ne shalnaj ejekat pal tikijiukwit; ne tunal pal techtawilua ne tal kan tiktaliat tujtukshi pal weyat ne kwajkwawit pal tikutunat wan iwan yaja tiketzat ne tukal kan tinemit; nusan ne kan nemit ne tukujkunew, kan te techmaka ne tunal, kan tesu tisekmikit. Yajika kaj weliskia kichiwa tay Tiut kichiwa tuwan?

Winter has begun! The rain has begun to fall! All the fields will sprout and the land will turn green. The animals will have their food, they will grow fat and will not go hungry. Therefore our winter feeds us all who are upon the earth, and makes our body grow full, healthy and strong. Therefore, who is like unto God? for he sends us rain; he sends us air to breathe; the sun to cast light on the earth on which we tread so that the trees will grow and we can cut wood with which to build our homes where we live; where our children also live, where we shelter from the sun, where we do not feel the cold. Therefore who else could do what God does for us?

Ne tzikat techmachtia ken muchiwa pal te tikseliat mayan. Yejemet ashta ne mas chikitik ashta ne mas tumak tekitit. Ne tesu nemi kaj kintuktia; muchi tekitit.

The ant teaches us what we should do in order not to go hungry. From the smallest to the largest, they work. There is nobody there to give orders; everybody works.

Tay techmachtia ne tutut, ma tejemet tikchiwakan iwan tupijpilawan. Ne tutut, yaja se tamachtiani, ka techmachtia ken weli mupewa tiktemuat ne tutakwal pal te tikseliat mayan.

What the bird teaches us, let us do with our children. The bird is a teacher indeed, for it teaches us how we should start looking for our own food in order not to go hungry.

Pero ay, ay, ay, tay siwapilchin! Tay yejyektzin ne sijsiwatket! Naja niknekiskia nitiukwit pal nechnekit muchi yejemet!

But ay, ay, ay, such a girl! Such beautiful women! I wish I were gold so that they would all want me!