Texts

Senpa nipejki niajsi ka ne tiupan San Antonio ne nitamachtia Nawataketza, tik ne kojtantechan San Ramón. Ne palej kimakaket chupi tumin pal kinmaka ne tajtakamet pal kikuat abono ipal ne mil, wan né kishtij chupi pal nechtashtawa pal nitamachtia Nawat tik ne kojtantechan.

Then I started going to San Antonio church, in San Ramón, where I taught Nawat language. The priest received money to distribute to the men to buy fertilizer for their fields, and from that he set aside a small amount to pay me for teaching Nawat there.

—Yawi nemi se congreso ipal ne Nawataketza. Nimetzilwia ka su tikneki, weli titechpalewia iwan muchi ne tajtamachtiani.

“There is going to be a conference about the Nawat language. I am telling you because if you like, you can come and help us with all the professors.”

Kwak niweli, nikpalewia Alan wan Cecy. Nusan Carlos, melka yaja techanchanej, pero uksan mumachtia Nawataketza. Yejemet tesu nechtashtawat, ka inat ka yejemet tesu kipiat tumin pal nechtashtawat.

When I am able I help Alan and Cecy. Carlos too, although he is a local, but he is still studying Nawat. They don’t pay me, because they say that they don’t have money to pay me with.

Kunij walajtuya se nawataketza ipal Meshikal pal tamachtia ne Nawataketzalis, wan kenhayuk kinetuya kaj kipalewia iwan muchi ne tajtamachtiani. Né ninemik kashtuli tunal iwanmet. Né nechishmatijket ka naja niweli nitaketza Nawat, wan kwak nemik ukseseyuk senputzuat teya nechajkawket ma te niu.

Then a Nahuatl speaker from Mexico came to teach the language, and once more he wanted somebody to help him with the teachers. I was there with them for two weeks. There I was recognised for my knowledge of Nawat, and afterwards I got invited to all the meetings.