Texts

Wan yejemet inte kichiwat ken tejemet: yejemet yawit kalkwit ne at tik ne wey matat.

p. 57

Yaja ne kwak kimaka ne at, wey shupan.

p. 57

Wan kwak ne kichiwat tapayawit, yaja ne kwak kiwikat ne at tik ne matachin tepechtik.

p. 57

Yaja ne ka kimaka ne at chikwasen metzti.

p. 57

Kwakuni kwak ne kisa ini shupan, tikitat ka muchi ne ajat chamawaya; yaja kwak ne kimakishtiat ne at ne tepewa, intea kikwit ne at pal kitejkultiat.

p. 57

Kwakuni yawit kikwit ne ajat pal ka senkak: kan kisa ne shupan, ne tepewa yawit kikwit ne ajat kan ne yu-kalaki ne shupan.

p. 57

Yaja ne ka tikitat ka kisa ini shupan wan kalaki.

p. 57

Yaja ne, kwak kalaki ne shupan ka ne tikitat ka nikan tunalku.

p. 57

Ini kichiwat pal kimakat ken panut muchi ne pal nikan taltikpak.

p. 57

Yajika muchi tey ne mutuka inpal nusan ne tepewa.

p. 58

Ini sinti muchi ne tey ne tepewa.

p. 58

Yajika, yejemet nusan tajpiat muchi tey ne tiktukat tejemet.

p. 58

Muchi tey ne tiktukat — muchi yultuk — ini ka yejemet pejtuk tikpiat.

p. 58

Yejemet kitapujket ne tepet kan yejemet kishtijket ne sinti, ini tepewa; ijkiuni ka tikpiat ashan ini sinti.

p. 58

Ijkiuni ka pejki: takipinik wan kitikwinijket ne tepet, wan kitzayanket ne tepet.

p. 58

Ne nemi ne ka pejki: takipinik.

p. 58

Yaja ne ashtasan takipini.

p. 58

Wan mukaki kan ne wetzi ne inmachi.

p. 58

Wan kishtijket ne sinti.

p. 58

Yejemet muchi techishpelwiat tey ne tikchiwat.

p. 58

Ijkiuni weli muchiwa yek tey ne taja tiktuka.

p. 58

Tey ne inte temakat tey ne kipiat, tikitas kwak yu-mukwepat tatukat: muchi weli puliwi.

p. 58

Wan tey ne temakat kwak kipiat, tey ne kipiat.

p. 58

Wan ne tepewa kenhaya yajasan itekuyu muchi ne shujshuchit.

p. 58

Tey ne tiktukat tejemet nikan, kenhaya ne yejemet kipiat.

p. 58

Muchi ne shujshuchit tey ne tikpiat nikan tejemet, kenhaya yejemet kipiat.

p. 58

Ika, yejemet kitalijtiwit ne inte kuchi: yejemet ne tajpiani; yejemet kitalijket ne tepewa pal tajpiat.

p. 59

Yaja ne kinekit ne tepewa; yaja ne kitaliat tajpia kan nemi ne seki shujshuchit.

p. 59

Wan yaja ne shuchit yaja ne mas yultuk, wan uni weli mukwi pal muchi pal se taltikpak tey panu.

p. 59

Wan ne itasulka ka kisa kimakat pal kimajmatiluat ijpak kwatapal wan ielpan, wan kejkechtan imey kishajshakwaliwiliat.

p. 59

Yaja kipia se tunal ini shuchit, yaja kichiwa kenhaya ken ne metzti.

p. 59

Yajika, ijkiuni ini shuchit yaja ne tajpia kan takatit muchi ne ajat.

p. 59

Su asiskia waki ini shuchit, wakiskiat muchi ne ajat pal nikan taltikpak.

p. 59

Yaja né tajpia: kita ne se wan kita ne seuk ne at.

p. 59

Ika ne at kisa ijtik ne chawiti.

p. 59

Ne nemi kan kisa ne at sejsesek wan ne at yemanka.

p. 59

Ne yemanka, yaja ne kisa inawak ne tutunik.

p. 59

Walajkewi kan ne nemit yejemet – ne tepewa – uni at tutunik.

p. 59

Ka yaja né kikwit pal tey ne muneki.

p. 59

Yaja ne kikwit pal maltiat, pal ma mupakat wan pal tishpakat wan pal tapakat.

p. 59

Yaja ne at tikiliat at tutunik.

p. 59

Yaja ne kan muchiwa ne teshuti.

p. 60

Yaja ne kikwit pal kitimakat.

p. 60

Kan tata, kisa ne tenesh.

p. 60

Ne yejemet ne tepewa, yaja kan ne nemi kichiwat tey ne kikwat.

p. 60

Yaja ne kan tamanat.

p. 60

Yawit kalkwit ne at sesek.

p. 60

Ne kitaliliat kwawit.

p. 60

Ne tit inte ken tejemet nikan.

p. 60

Ne ne tit inte nesi kan kisa.

p. 60

Semaya ne kwawit kitepewiliat.

p. 60

Ne kipiat muchi tey ne kikwit pal ne shupan.

p. 60

Ne kipiat pal ne tikwini.

p. 60

Kipiat se tet, yaja kwak ne kineki; kwak ne nemi se tey ne yejemet inte kinekit; yaja kwak ne wetzi ne at, yaja kwak kitekimakat.

p. 60

Se ne yejemet yawi kichalua ne tet.

p. 60

Kan kichalua ne tet, kishtiat se takitzkil pal ne tet.

p. 60

Ne tet nemi semaya chichipika at.

p. 60

Yaja ne kikwit pal kwak ne yawita ajkewit.

p. 60

Kishtijtiwita ne pusul pal ne tet.

p. 60

Kwakuni yawit kitentapuat chiupi ne tekumat.

p. 60

Yajaya kan ne ajkewit pal ka ajku yejemet pal tejkut tejkut ijtik ini mishti.

p. 60

Kwakuni yejemet kiwikata muchi tey ne yawit kikwit.

p. 61

Kipiat ne imachi, kipiat muchi yejemet, tech ne inmachi kiwikat.

p. 61

Yajika, kwak ne inteuk kiekchiwat ne inmachi, kisaluat ne techichin.

p. 61

Wan at tutunik kikwit kan ne yejemet tamanat.

p. 61

Uni itech ne inmachi kiwikat.

p. 61

Wan ne techichin ne inte sesan.

p. 61

Kwak ne yu-kimaka ini at, kwak yejemet yawit kutejkut, muchia tey ne yawit kikwit, muchia kipujtiwita keski pal ne takipini.

p. 61

Yaja ne kwak tikitat ka takipini: yaja kwak ne kikupina ne imachi.

p. 61

Wan kan ne wetzi ne imachi, yaja ne tikakit ka tikwini.

p. 61

Kwak ne yu-yawi, kiwika techichin, yaja kitzayana ne kwajkwawit.

p. 61

Wan kwak ne semaya kichichinua, yaja kwak ne atutunil.

p. 61

Kan ne wetzi pak se kwawit, semaya ne iswayu shini.

p. 61

Yaja kwak ne kimaka ne at.

p. 61

Wan kwak ne tikitat ka tepewi ne graniso, yaja ne pusul pal ne tet.

p. 61

Ini yaja: yaja ne nejnemi tik muchi ne nejnekpach ne ajat.

p. 62

Yaja ne mukaki ka takati se at ka senkak.

p. 62

Wan yaja tajtani achtu wan ne tepewa tey ne yu-kichiwa.

p. 62

Yaja nemi pal yawi kipanultia muchi tey ne munekit pal ne shupan.

p. 62

Yaja ne kisajsaka wan yaja weli kiejekua.

p. 62

Yajika, kan ne yu-kalaki ne shupan, kiliat ka weli kiejekua su nemi yek ne matat ijtik kisajsakat ne at.

p. 62

Yaja, kwak ne yu-kalaki ne shupan, tikitat ka muketza ne mishti wan kunyuaki, wan pewa shijshini ne at, inte kimaka, ika yaja inte weli kichiwa; semaya tey weli kiejekua.

p. 62

Kenhaya, kan ne yawi kisa ne shupan: kwak ne tikitat ka panu se tapayawichin, ipan witz seuk, wan sansenkak yawi.

p. 62

Yaja ne kwak ne kiejekua ne matat su yek ush inte pal kiwika kan ne kipanultia nemi.

p. 62

Kwakuni ne weli yaja kichiwa, mal-te kilijtiwit.

p. 62

Weli kichiwa ma kimaka ne at chiupichin.

p. 62

Kenhaya nusan yaja ne kinhita muchi ne chajchalchiwit.

p. 62

Yaja ne nemi kita su tata ne tawil.

p. 63

Su sewi, yawi tanawatia ne tepewa.

p. 63

Ne kimakat se tet wan tit.

p. 63

Ne yawi kichalua pal kitimaka ne tawil.

p. 63

Yaja ne kenhaya nemi ka kishpelwia ma yu-muajketzu uni wajkal.

p. 63

Su nemi ajketzijtuk, weli yawi ne chalchiwit.

p. 63

Kan ne ishtapachijtuk nemi kitzkijtuk ne chalchiwit.

p. 63

Kipiat miak ká kintekimakat ne tepewa.

p. 64

Ne michin inte pewa nemi ka yajasan.

p. 64

Michin inte shinachteya: ne at wan ne metzti kichat ka takati.

p. 64

Itech ne tejtet takatit ne teksistichichin.

p. 64

Yaja ne kan takati ne michin.

p. 64

Ne tekwisi nemi ne shushuik, tekwisi nemi ne ashalin, wan nemi ne pitzaktekwisi, wan nemi ne atekwisi.

p. 64