Textos
Buscá una palabra en textos escritos en Náhuat y leela en su contexto.
Coincidencia:exactaempieza contermina concontiene
Se busca solo en King, Tajtaketza pal Ijtzalku (2012) · Todos los textos
7126 ocurrencias · Borrar
King, Tajtaketza pal Ijtzalku (2012)
7126 ocurrencias
Capítulo 1
Ashkan ajwituk ne tal iwan tutunik.
Inte waktuk.
p. 17 · Ver en el diccionario: inté
Ika, tiu -tiktait pal tiktukat ne tunalmil.
Shiktamuta ne tasul ipal tikcha arar ipal tiktuka ne tawial ne tunalmil.
Ashkan tiu-tiktait pal tiktukat et.
p. 17 · Ver en el diccionario: et
Musta tiktuka isel et.
p. 17 · Ver en el diccionario: et
Ashkan shini ne at.
Musta inte kimaka ne at.
Inte wetzi ne at.
Kichiwa yek tunal.
p. 18 · Ver en el diccionario: yek
Keman panutuk yey metzti waktuka ne tunalmil.
Ne ejekat kiwaki ne tatuk iwan ne et keman weytia.
p. 18 · Ver en el diccionario: ejekat, et, keman, ne, né2, wey
Yajika, miak inte kitukat ne tunalmil.
Tiktukat ne shupanmil keman ne tal waktuk, ipal keman wetzki ne at takati ne tawial.
Ashkan yek titatukat ika tutunik ne tal: inteuk kimaka ne at, inteuk kiseseltia ne tal.
Tawial tiu-tiktukat yey almun: makwil taria.
p. 18 · Ver en el diccionario: yey
Musta tiu-tikcha arar tatajku pal ne tawial.
Tiktukat ne et chiltiket, istaket, ne et kutiltiket, tawial pushawa, tawial tepitin, tawial istak...
Ashkan titamiketa tiktukat.
p. 18 · Ver en el diccionario: tami
Tiu-tipewat titait nawpual taria.
p. 18
Tiu-tiktamutat ne tasul.
Tiu-titamewat ijtik ne tatuk.
Ashkan kichiwak ume taria, musta kichiwas ume taria, wipta kichiwas ume taria.
p. 18 · Ver en el diccionario: ume
Musta niktalia se takat ma kiashiti nawpual taria.
p. 18 · Ver en el diccionario: se
Pal mutashtawia, ma wiki miak tunal pal tami ne tamewal, pal tami mumewa tatuk.
Ashkan shiknawati ne siwapil:
—Tamik ne tamewal.
Ashkan shiktashtawi ne takat.
—E.
p. 18 · Ver en el diccionario: e
Yey metzti nemi ne shupanmil.
Ashkan tiaw-titapustekit.
p. 18
Ashkan nemia.
p. 19 · Ver en el diccionario: nemi
Musta tiu-tiawit ashta ne tatzinu kan nemi ne kal.
Tiu-tikmewat ne kal ma nemi yek.
Musajsaka ne sinti kan nemi ne kal.
Muchiwa sanse parva sinti ishta ma tami tapishkal.
p. 19 · Ver en el diccionario: se
Ashkan tiu-tiktaliat tik ne kushtal ipal tikwikat pak ne kawayu pal tikwikat ka techan ne tawial pal tami tiksajsakat.
Wipta tiksajsakat et.
p. 19 · Ver en el diccionario: et
Nemi yeypual kushtal et.
Ashkan tiksajsakat chikwasenpual kushtal aros.
p. 19
Ashta ma tami, tikwikat yey kawayu pal tami talsajsakat.
p. 19 · Ver en el diccionario: yey
Musta tikwikat ne yey kawayu.
Tiu-talkwit chikwasen sontes kwawit.
p. 19 · Ver en el diccionario: chikwasen
Ashkan tiu-talkwit chikwasen shikiwit istaket, chikwasen shikiwit chiltiket; ashkan ne et kutiltiket.
p. 19 · Ver en el diccionario: chikwasen, et, istak, ne, né2
—Musta tiwitz ka nikan ipal mupupua ne et.
Yawi pal munamaka ne et.
Naja nimuneki pal nikua ne kulal.
Nechnamakilia ka tzunti pesos ne kwawit.
Ashkan niu-nikchiwa ne amat pal ne kulal.
Capítulo 2
Ijtik ne shupan mutuka ne kakawat.
Tikichkwat ne tal ipal tiktukat ne ish ne kakawat.
Keman nemia iujki se ikshichin, tikwiwitat iwan tal pal tiktukat ka senkak.
Keman weya, kitalia ne itakil.
Ne itakil ne kakawat kitalijtuk miak itech ne ituma chamawak ne kwawit.
Keman chikawtuka, tiktekit iwan tikajkawat ma uksi pal tikishtiat ne ish keman uksituka.
Kan waktuka, tiktaliat ijtik kumal pal shamani pal tikishtiliat ne iewayu.
Tiktisit wan asujkal iwan kanela, tikchat tishti chukulat, tikmanat iwan at kwakwalaka, tikmaliat pal tikunit.
p. 20
Nemi ume kuku, ken ne shushukna ush pushawa, iwan ne tepitin.
Ne kuku waktuk tikchiat ma mulini.
Keman weya, tiktukat keman metzti selek.
Ne kwawit kuku takati chijchin, yawi weytia wan kichiwa iswat wejweyak.
Keman kipia chikwasen shiwit, pewa kicha ne itakil; kitepewa ijish tejemet tikiliat kuku.
p. 21 · Ver en el diccionario: chikwasen, keman, ne, né2, tejemet
Keman nemia chikawtuk, muteki wan mushipewa pal kinamakat wan kikuat pal kiunit ne at.
Ne kuku keman kikwajtuk ne metzti inte kipia inakayu, iayu chiupichin.
Ne papaya muteki shushuik, muishtilia iewayu, tikpitzakuat.
Tikmanat pal kisa ne ilechayu.
Tikapachuat iwan tenesh pal pipinia.
p. 21
Tikajkawat ma seseya pal tikwat.
p. 21 · Ver en el diccionario: sesek
Ne papaya uksituk tikwat nusan.
Nemi miak kwajkwawit kichat intakil, ken ne chiltik tzaput, muyutzaput, sinkuya, patach, chulu istak, chulumui, chilimuyu, ichkashukut, durasnu, lala, lima, tzuntzaput...
Mushtilia ne iewayu pal kisa ne ilechayu, musalua se kwechpala pal kikwi ne ilechayu, mumana ijtik se kumit wan at.
Keman mumantuka, mutemultia pal seseya.
Keman seseka, mumalina ne kwechpala pal kisa ne iayu ne kwawit.
Kan nemia ne balsamo, mutamachiwa pal munamaka.
Keman tikpiat se chira, tikmakat balsamo pal inte asit ne mujmuyut.
Nemi pujpula wey wan nemi kijkinia chijchichin.
Weli tikwat uksituk ush tishkal ush shushuik.
p. 22 · Ver en el diccionario: weli
Weli tikmanat ne kinia wan ne iewayu wan nekti.
Tamantuk wan nekti nemia pal tikwat.
Ne ijiswat ne kinia weli tikwit pal tikchat nakatamal.
Ne pula ishtultik tiktisit iwan ne ayujwach pinul pal tikchat pulantishkal.
Keman ne akat chikawi, tikutunat, tiktisit, tikmanat ne iayu ne akat pal tikchat nekti.
Weli nusan tikchat asujkal.
p. 22 · Ver en el diccionario: weli
Ne sakat ne akat tiwelit tikwit pal tikchat ne kal.
Ne tumat tiwelit tiktzuyuniat wan tejteksisti.
Tiwelit tikwat ijtik takwal wan nakat wan kamu wan kilit.
p. 23
Tiwelit tikwat nusan ayujwach tumat.
p. 23
Ne iat, keman waktuk ne iswayu, tikimiluat iwan tikchichinat.
Ne chil muiseki ijtik se kumal pal uksi.
Kan uksituka tikwechuat ijpak ne metat wan istat.
Yaja ne iayu ne chil pal titakwat ajwiak.
Ne chilchukulat chijchichin iwan kukuk.
Mukwechua pal tikchat se majal pal tiknamakat chiujchiupi.
p. 23 · Ver en el diccionario: se
Ne chiltekpin kenhaya kukuk.
p. 23 · Ver en el diccionario: chiltekpin, ne, né2
Ne chil weweyakchil inte kukuk.
Ne chil istak, yaja ajwiak.
Ne chil muekchiwtuka, tikiliat chilmultal.
Ne shikama, ne witzaya, ne kamu, ne chiltik kamu, ne yame, ne papa... muskaliat ijtik ne tal ne wejweytiat.
Ne meshkal tiksaluat tech se kwawit wan tikwawanat.
Ne ichti tikmalinat pal tikchat matat.
Oraciones 1–100 de 2187 · Siguientes
Fuentes y licencias
- Schultze Jena, Leonhard (recop.); King, Alan R. (ed.). Tajtaketza pal Ijtzalku: narradores en náhuat Ynes Masin y otros. Edición en línea, enero 2012.
- Ramírez Vásquez, Genaro. Naja Ni Genaro. Edited by Alan R. King. IRIN (Iniciativa para la Recuperación del Idioma Náhuat), 2004; first electronic edition, 2013.
- Cárcamo, Héctor; Guardado, Martín; Domínguez, Ana; Aquino, Celeste; Ordóñez, Gary; Salgado, Hugo. Aprendiendo Náhuat en el Siglo 21: Achtu Taksalis. Edmonton: University of Alberta Library, 2023. https://pressbooks.openeducationalberta.ca/nawatse/. CC BY-NC-SA 4.0. Adaptado por nahuat.com.
- King, Alan R. Timumachtikan! Curso de lengua náhuat para principiantes adultos. 2011.
- Aráuz, Próspero. El Pipil de la Región de los Itzalcos. San Salvador, El Salvador: Departamento Editorial del Ministerio de Cultura, 1960. Adaptado por nahuat.com.
- Campbell, Lyle. The Pipil Language of El Salvador. Mouton Grammar Library 1. Berlin, New York, Amsterdam: Mouton, 1985. Traducción al español de los textos: Mauricio Mixco, en Campbell, El Idioma Pipil (Nahuate) de El Salvador (manuscrito inédito).