Textos
Buscá una palabra en textos escritos en Náhuat y leela en su contexto.
Coincidencia:exactaempieza contermina concontiene
Se busca solo en King, Tajtaketza pal Ijtzalku (2012) · Todos los textos
2628 ocurrencias · Borrar
King, Tajtaketza pal Ijtzalku (2012)
2628 ocurrencias
Capítulo 1
Ashkan ajwituk ne tal iwan tutunik.
Ika, tiu -tiktait pal tiktukat ne tunalmil.
Shiktamuta ne tasul ipal tikcha arar ipal tiktuka ne tawial ne tunalmil.
Ashkan shini ne at.
Musta inte kimaka ne at.
Inte wetzi ne at.
Keman panutuk yey metzti waktuka ne tunalmil.
Ne ejekat kiwaki ne tatuk iwan ne et keman weytia.
Yajika, miak inte kitukat ne tunalmil.
Tiktukat ne shupanmil keman ne tal waktuk, ipal keman wetzki ne at takati ne tawial.
Ashkan yek titatukat ika tutunik ne tal: inteuk kimaka ne at, inteuk kiseseltia ne tal.
Musta tiu-tikcha arar tatajku pal ne tawial.
Tiktukat ne et chiltiket, istaket, ne et kutiltiket, tawial pushawa, tawial tepitin, tawial istak...
Tiu-tiktamutat ne tasul.
Tiu-titamewat ijtik ne tatuk.
Pal mutashtawia, ma wiki miak tunal pal tami ne tamewal, pal tami mumewa tatuk.
Ashkan shiknawati ne siwapil:
—Tamik ne tamewal.
Ashkan shiktashtawi ne takat.
Yey metzti nemi ne shupanmil.
Ashkan nemia.
p. 19 · Ver en el diccionario: nemi
Musta tiu-tiawit ashta ne tatzinu kan nemi ne kal.
Tiu-tikmewat ne kal ma nemi yek.
Musajsaka ne sinti kan nemi ne kal.
Ashkan tiu-tiktaliat tik ne kushtal ipal tikwikat pak ne kawayu pal tikwikat ka techan ne tawial pal tami tiksajsakat.
Nemi yeypual kushtal et.
p. 19 · Ver en el diccionario: nemi
Musta tikwikat ne yey kawayu.
Ashkan tiu-talkwit chikwasen shikiwit istaket, chikwasen shikiwit chiltiket; ashkan ne et kutiltiket.
—Musta tiwitz ka nikan ipal mupupua ne et.
Yawi pal munamaka ne et.
Naja nimuneki pal nikua ne kulal.
Nechnamakilia ka tzunti pesos ne kwawit.
Ashkan niu-nikchiwa ne amat pal ne kulal.
Capítulo 2
Ijtik ne shupan mutuka ne kakawat.
Tikichkwat ne tal ipal tiktukat ne ish ne kakawat.
Keman nemia iujki se ikshichin, tikwiwitat iwan tal pal tiktukat ka senkak.
p. 20 · Ver en el diccionario: nemi
Keman weya, kitalia ne itakil.
Ne itakil ne kakawat kitalijtuk miak itech ne ituma chamawak ne kwawit.
Keman chikawtuka, tiktekit iwan tikajkawat ma uksi pal tikishtiat ne ish keman uksituka.
Kan waktuka, tiktaliat ijtik kumal pal shamani pal tikishtiliat ne iewayu.
Nemi ume kuku, ken ne shushukna ush pushawa, iwan ne tepitin.
Ne kuku waktuk tikchiat ma mulini.
Ne kwawit kuku takati chijchin, yawi weytia wan kichiwa iswat wejweyak.
Keman kipia chikwasen shiwit, pewa kicha ne itakil; kitepewa ijish tejemet tikiliat kuku.
Keman nemia chikawtuk, muteki wan mushipewa pal kinamakat wan kikuat pal kiunit ne at.
Ne kuku keman kikwajtuk ne metzti inte kipia inakayu, iayu chiupichin.
Ne papaya muteki shushuik, muishtilia iewayu, tikpitzakuat.
Tikmanat pal kisa ne ilechayu.
Ne papaya uksituk tikwat nusan.
Nemi miak kwajkwawit kichat intakil, ken ne chiltik tzaput, muyutzaput, sinkuya, patach, chulu istak, chulumui, chilimuyu, ichkashukut, durasnu, lala, lima, tzuntzaput...
Mushtilia ne iewayu pal kisa ne ilechayu, musalua se kwechpala pal kikwi ne ilechayu, mumana ijtik se kumit wan at.
Keman seseka, mumalina ne kwechpala pal kisa ne iayu ne kwawit.
Kan nemia ne balsamo, mutamachiwa pal munamaka.
Keman tikpiat se chira, tikmakat balsamo pal inte asit ne mujmuyut.
Nemi pujpula wey wan nemi kijkinia chijchichin.
p. 22 · Ver en el diccionario: nemi
Weli tikmanat ne kinia wan ne iewayu wan nekti.
Tamantuk wan nekti nemia pal tikwat.
Ne ijiswat ne kinia weli tikwit pal tikchat nakatamal.
Ne pula ishtultik tiktisit iwan ne ayujwach pinul pal tikchat pulantishkal.
Keman ne akat chikawi, tikutunat, tiktisit, tikmanat ne iayu ne akat pal tikchat nekti.
Ne sakat ne akat tiwelit tikwit pal tikchat ne kal.
Ne tumat tiwelit tiktzuyuniat wan tejteksisti.
Ne iat, keman waktuk ne iswayu, tikimiluat iwan tikchichinat.
Ne chil muiseki ijtik se kumal pal uksi.
Kan uksituka tikwechuat ijpak ne metat wan istat.
Yaja ne iayu ne chil pal titakwat ajwiak.
Ne chilchukulat chijchichin iwan kukuk.
Ne chiltekpin kenhaya kukuk.
Ne chil weweyakchil inte kukuk.
Ne chil istak, yaja ajwiak.
Ne chil muekchiwtuka, tikiliat chilmultal.
Ne shikama, ne witzaya, ne kamu, ne chiltik kamu, ne yame, ne papa... muskaliat ijtik ne tal ne wejweytiat.
Ne meshkal tiksaluat tech se kwawit wan tikwawanat.
Ne ichti tikmalinat pal tikchat matat.
Capítulo 3
Yejemet kichiwaket ne tail iwan niktukak ne tawial iwan ne et.
Ashkan nemia elut.
p. 25 · Ver en el diccionario: nemi
Nikasik ume mapachin iwan nimutaluk wan ne pejpelu.
Ashkan walmukwepki ne mapachin.
Mukitztuk wan ne nupelu.
Nikasik takwa nemi.
p. 25 · Ver en el diccionario: nemi
Kitzkik ne nupelu.
Wipta niu-nikmiktia ne mutuktzin wan se tet.
Ka tayua nikasik takwa nemi se pesoti.
p. 25 · Ver en el diccionario: nemi
Capítulo 4
Nemituya se takat ka kipiatuya se kulal.
p. 26 · Ver en el diccionario: nemi
Ne kituka kamu, wan seki yawit kichtekit.
“Niu-nikita ken nikinhishtia uni ka yawit nechichtekiliat tey nitatukatuk.”
p. 26
Ne itekuyu ne kamujtal yajki se wipta ka tayua kinpajpashua.
Ne takat mutalik kan nemi se kwawichin wan pejki tachichina.
Keman kitak ka yawi se tawil shushuik kitawilua se mikini, ne takat mumutij, kiski mutalua, yajki minaya.
Keman asiket kan nemituya ne takat, inaket ne yawit kichtekit:
“Inte nemi ne itekuyu.
Ne nemituyat yejemet tawiwitat ne kajkamu keman pejki kisa ne metzti.
Kitawilujki kan nemituyat yejemet.
p. 26
“Ne witz ne itekuyu wan se tit chiltik.
“Ne itekuyu nemi tachichina.
Su ne itekuyu, niu-niknutza su nechtalkulia sese kajkamu.
Su nechilia ma niwitz niwiwita, tiawit tikwikat miak pal inte timukwepat senpa tikichtekit kajkamu ini takat.”
p. 27 · Ver en el diccionario: ilia
Kinutzki ne itekuyu, wan te asik.
Ne mapipil tajpia yek ne kamujtal.
Capítulo 5
Oraciones 1–100 de 1473 · Siguientes
Fuentes y licencias
- Schultze Jena, Leonhard (recop.); King, Alan R. (ed.). Tajtaketza pal Ijtzalku: narradores en náhuat Ynes Masin y otros. Edición en línea, enero 2012.
- Ramírez Vásquez, Genaro. Naja Ni Genaro. Edited by Alan R. King. IRIN (Iniciativa para la Recuperación del Idioma Náhuat), 2004; first electronic edition, 2013.
- Cárcamo, Héctor; Guardado, Martín; Domínguez, Ana; Aquino, Celeste; Ordóñez, Gary; Salgado, Hugo. Aprendiendo Náhuat en el Siglo 21: Achtu Taksalis. Edmonton: University of Alberta Library, 2023. https://pressbooks.openeducationalberta.ca/nawatse/. CC BY-NC-SA 4.0. Adaptado por nahuat.com.
- King, Alan R. Timumachtikan! Curso de lengua náhuat para principiantes adultos. 2011.
- Aráuz, Próspero. El Pipil de la Región de los Itzalcos. San Salvador, El Salvador: Departamento Editorial del Ministerio de Cultura, 1960. Adaptado por nahuat.com.
- Campbell, Lyle. The Pipil Language of El Salvador. Mouton Grammar Library 1. Berlin, New York, Amsterdam: Mouton, 1985. Traducción al español de los textos: Mauricio Mixco, en Campbell, El Idioma Pipil (Nahuate) de El Salvador (manuscrito inédito).